Nú er öllum gráðunum lokið hjá KAK og gekk þetta glimrandi vel allt saman.  Skemmst er frá því að segja að glæsileg gráðun var í morgun hjá eldri hópum og er þar helst að nefna Arnar Frey sem gerði sér lítið fyrir og gráðaðist um heilt belti, frábært hjá honum.  Einnig var feikigóð gráðun hjá karteskólakrökkum þar sem eitthvað var um heilbelta hopp og óskum við þeim öllum til hamingju, þar varð Kristján nokkur litli bróðir Tomma (sem við þekkjum öll!) fyrir valinu með mestu framfarir og var hann einn af þeim sem tók heilt belti.  Hjá unglingum og fullorðnum var það Helgi sem fékk skjöldin fyrir mestu framfarir á árinu, Dagný var valin karateka annarinnar og síðan var það hún Heiða okkar sem kosin var karatekona Akraness 2007 og er vel að valinu komin enda búinn að standa sig frábærlega á árinu.  Einnig fékk hún Gústa nokkur Andrésar smá gjöf fyrir hennar ómetanlega framlag til klúbbsins og værum við ekki svona sterk og góð í dag ef við hefðum ekki þessa driffjöður í forsvari fyrir okkur, gó Gústa!!!  Hún gerði sér einnig lítið fyrir í dag og fór í sína síðustu gráðun fyrir svart belti og gekk glimrandi vel.

Æfingar verða áfram hjá okkur og verður næsta vika eftirfarandi: mánudagur og miðvikudagur frá 19-20:30 síðan eru 30 mínútur frjálsar eftir það og verður Einar á staðnum áfram til leiðbeiningar, laugardagsæfing hefst svo kl 11 og verður með sama sniði og hinar.  Á þessum æfingum verður tilkynnt hvernig æft verður um jól og áramót og einnig hér á síðunni.

Bestu kveðjur,

Stjórn KAK